Ұлттық балаларды оңалту орталығы

Оңалту емі жүйке жүйесі аурулары немесе жарақат салдарынан туындаған физикалық, сөйлеу, когнитивтік немесе психикалық-эмоциялық дамуында бұзылыстар байқалған жағдайда қажет.

Егер балаңызда:
– сөйлеу, қимыл-қозғалыс немесе өз-өзіне қызмет көрсету дағдыларының дамуы кешеуілдесе;
– қимыл-қозғалыс кезінде, жүргенде үйлесімділікті, тепе-теңдікті сақтауда қиналса;
– аяқ-қолы әлсіз, бұлшықет тонусы төмен болса немесе керісінше, шамадан тыс тырысуы байқалса;
– есту қабілеті бұзылса, психоэмоционалдық жағдайы немесе мінез-құлқында ауытқу байқалса;
– бассүйек-ми немесе жұлын жарақаттары салдарынан, сондай-ақ туа біткен патологиялары болса,  невропатологқа немесе тиісті бейіндегі басқа маманға қаралуы қажет.

Қарап-тексеріп, диагнозын анықтағаннан кейін дәрігер баланың жағдайына байланысты оңалту курсын тағайындауы мүмкін. Оңалтуды уақытылы бастау — баланың жағдайын жақсартып, дамуын қолдауға үлкен мүмкіндік береді.

Орталықтың бөлімшелерінде 0 жастан 18 жасқа дейінгі балаларға келесі неврологиялық патологиялар бойынша кешенді оңалту көмегі көрсетіледі:
– Сал ауруы (церебралды паралич)
– Бассүйек ішіндегі жарақат салдары
– Жұлын жарақаттының салдары
– Аяқ-қол нервтерінің жарақаттан кейінгі бұзылыстары
– Жекелеген нервтердің, нерв түбіршектері мен өрімдерін зақымдануы, полинейропатия
– Орталық жүйке жүйесінің қабыну ауруларынан кейінгі жағдайлар
– Салдану синдромы
– Ми қанайналымы бұзылуының салдары
– Жүйке жүйесінің туа біткен ақаулары
– Сөйлеу мен тіл дамуының басқа бұзылыстары
– Психологиялық дамудың бұзылыстары
– Аутизм спектрінің бұзылыстары
– Нейросенсорлық мүкістік, кохлеарлы имплантациядан кейінгі жай-күй
– Даун ауруы
– Жүйке-бұлшықет синапсы мен бұлшықет аурулары

Маңызды: төсек жабдықтарын, сүлгіні және балаларға халатты орталық береді, апта сайын таза жинақпен қамтамасыз етеді. Қалған заттарды алдын ала дайындап қойған жөн.

Бала үшін:

• Маусымға сай киім: ауыстыратын киім, іш киім, пижама
• Аяқ киім: жайлы, таза ішкі аяқ киім және сыртқы аяқ киім
• Жеке гигиена құралдары:
• тіс щеткасы мен тіс пастасы
• сабын, сусабын
• тарақ
• дымқыл және құрғақ майлықтар
• жеке сүлгі (мысалы, бет сүртуге арналған)
• Жөргектер - қажет болған жағдайда
• Ойыншықтар, кітптар немесе баланың сүйікті заттары – баланың көңілін аударатын және өзін жайлы сезінуіне көмектесетін заттар
• Баланың үйренген ыдысы: бөтелкесі, су ішетін ыдысы, қасығы
• Медициналық құжаттар:
• госпитализацияға жолдама
• баланың жеке куәлігі немесе туу туралы куәлігі
• амбулаториялық карта, тексеру нәтижелері, дәрігерлер қорытындылары

Баламен бірге келетін ата-ана үшін:

• Жеке куәлік
• Ауыстыратын киім мен аяқ киім
• Жеке гигиена құралдары
• Жеке заттар (мысалы, зарядтағыш, кітап, блокнот және т.б.)
• Көп реттік ыдыс-аяқ (саптыаяқ, қасық)

Орталықта дүкен және дәріхана бар, ол жерде қажетті заттар, азық-түлік, кеңсе тауарлары мен дәрі-дәрмек сатып алуға болады.

Сондай-ақ, ата-аналар мен балалар Орталық кітапханасынан тегін кітап алып оқи алады.

Мына заттарды алып келуге болмайды:

• Өткір, шаншитын және кесетін заттар
• Құнды заттар (алтын бұйымдар, көп мөлшердегі ақша және т.б.)
• Бала ата-ана бақылауынсыз өз бетінше пайдаланатын  смартфон, планшет және басқа да электронды құрылғылар

Тағы сұрақтарыңыз болса, мына нөмірге хабарласуыңызды сұраймыз: +7 708 503 6573. Біз қуана көмектесеміз.

Біздің орталық – бұл жарық, жайлы және қауіпсіз орта, мұнда балаларға барлық жағдай жасалған. Сабақ өтетін кеңістік, терапия залдары, ойын алаңдары мен демалыс аймақтары – бәрі де әр балаға қолайлы әрі ыңғайлы болатындай етіп ойластырылған.

Көбірек білгіңіз келе ме? «Орталыққа шолу» бөліміндегі фотосуреттермен танысып, атмосфераны дәл қазір сезініңіз.

Жалғастырудың екі жолы бар:

1. Тұрғылықты жеріңіз бойынша квотаны (МӘМС) алыңыз;
2. Қабылдау бойынша ақылы негізде, байланыс телефондары +7 (7172) 51 15 55 или +7 (7172) 51 16 12.

Құны дәрігердің мамандығына байланысты. Қызметтердің құны көрсетілген прейскурант веб-сайтта ұсынылған

Бағалар тізімі