2024 жылғы 18 Наурызда университеттің бес студентімен  M.D., Ph.D, профессор Yusuke Kobayashi бастаған Цукуба университеті медицина факультетінің делегациясының сапары өтті.

Сапардың негізгі мақсаттары: университеттер мен клиникалық базалар арасындағы ынтымақтастықты орнату және талқылау, сондай-ақ «ҰБОО» КЕАҚ және «АМУ» КЕАҚ білім беру бағдарламалары бойынша ақпарат алмасу.

Кездесу барысында Жапониядан келген делегаттарға ҰБОО көрсетіп, оның бірегейлігі, жабдықталуы мен оңалту көмегінде қолданылатын әдістері туралы айтылды.

Сонымен қатар, Жапон университетінің студенттері мен елордалық медициналық университеттің студенттері университеттердің оқыту әдістері мен білім беру бағдарламаларын талқылауға және салыстыруға мүмкіндік алды.