Ұлттық балаларды оңалту орталығы («ҰБОО» КеАҚ) аутизмі бар балаларға кешенді көмек көрсету мақсатында Болат Өтемұратов Қорымен меморандумға қол қойды. Бұл серіктестік оңалту қызметтерін дамытуға, мамандардың біліктілігін арттыруға және ерекше балалардың отбасыларын қолдауға бағытталған.

«ҰБОО» КеАҚ балаларға реабилитациялық көмек көрсету бағытында негізгі серіктестермен ынтымақтастықты нығайтып келеді. Бүгін Болат Өтемұратов Қорымен меморандумға қол қойылды. Бұл ұйымның аутизм спектрінің бұзылыстары бар балаларды қолдауға маманданған «Асыл Мирас» орталықтары желісінің негізін қалаушы екені мәлім. Тараптар оңалту қызметтерінің сапасын арттыру және ерекше балалармен жұмыс істеудегі инновациялық тәсілдерді дамыту бойынша күш біріктіруге келісті. Серіктестік аясында келесідей іс-шараларды жүзеге асыру жоспары бар:

• реабилитациялық көмек көрсететін мультидисциплинарлық топтардың әлеуетін арттыру;
• қызметтердің тиімділігін арттыру үшін әдістемелік база әзірлеу;
• осы саладағы ғылыми зерттеулерге қолдау көрсету;
• аутизмі бар балалардың ата-аналарына жан-жақты қолдау көрсету.

Бұл меморандум – ерекше қамқорлықты қажет ететін балаларға сапалы реабилитациялық көмек көрсету жолындағы маңызды қадам.