2024 жылғы 14 мамырда «Қазақстан Республикасында балаларды оңалту қызметін одан әрі дамыту мәселелері» тақырыбында кеңес Қазақстан Республикасының Денсаулық сақтау басқармаларының штаттан тыс физика медицинасы және оңалту мамандарының қатысуымен өтті.
ҰБОО Басқарма Төрағасы Ажар Ғиният құттықтау сөз сөйледі. Ол балаларды оңалту қызметінің алдында тұрған міндеттермен және орындалған жұмыстармен таныстырды.
Содан кейін ҚР ДСМ физикалық медицина және оңалту бойынша штаттан тыс балалар маманы, ҰБОО стратегиялық даму және маркетинг бөлімінің бастығы Мейрам Шакенов баяндама оқыды.
Баяндамада мүгедектігі бар адам, ерте араласу, оңалтудың психоәлеуметтік моделі туралы терминдердің заманауи анықтамалары ұсынылды. М.Шакенов реабилитологияда қолданылатын тіршілік әрекеті мен денсаулықтың жұмыс істеуінің шектелулерінің халықаралық сыныптамасы сипаттамалық құрал болып табылатынын және балаларды оңалтуға көпсалалы көзқарасы бар психоәлеуметтік модельге негізделгенін атап өтті.
Сонымен қатар, баяндамада медициналық оңалтудың жаңа клиникалық хаттамалары бойынша ақпарат, емдеудің оңалту курсының тиімділігін бағалау ерекшеліктері және әрбір бала үшін оңалту әлеуетін жеке есептеу ұсынылды.
М. Шакенов ұсынған штаттан тыс мамандар жұмысының келесі маңызды аспектісі 2023 жылғы желтоқсанда бекітілген 2024-2026 жылдарға арналған мүмкіндіктері шектеулі балаларды қолдау жөніндегі Жол картасымен жұмыс болып табылады. Жол картасы ҚР Денсаулық сақтау министрлігінің, ҚР Еңбек және халықты әлеуметтік қорғау министрлігінің, ҚР Оқу-ағарту министрлігінің, сондай-ақ жергілікті атқарушы органдардың және бірінші кезекте барлық 17 өңірдің және Республикалық маңызы бар 3 қаланың денсаулық сақтау басқармасының күш-жігерін біріктіреді. Ұсынылған Жол картасында іс-шаралар, жауапты ұйымдар, орындау мерзімі көрсетілген. Өңірлердің штаттан тыс балалар мамандарының қатысуын талап ететін іс-шараларға назар аударылды.
Баяндама соңында ұйымдық-әдістемелік көмек беру мақсатында өңірлерге барған штаттан тыс мамандардың және ҰБОО КЕАҚ мамандарының есептерінен өңірлердің өзекті мәселелерінің кестесі көрсетілді.
Содан кейін А. Ғиният кеңес қатысушыларымен Қазақстан Республикасында балаларды оңалту қызметі бойынша сарапшылар кеңесін құру туралы мәселені талқылады, сондай-ақ мамандардың сұрақтарына жауап берді.
