Бүгін Халықаралық балаларды қорғау күні қарсаңында Ұлттық балаларды оңалту орталығында ҚР Парламенті Мәжілісінің бастамасымен “ҚР-да Балаларды оңалтуды дамыту перспективалары” тақырыбында дөңгелек үстел өтті.
Іс-шараға ҚР Парламенті Мәжілісінің Әлеуметтік-мәдени даму комитетінің төрағасы Асхат Аймағамбетов, ҚР Парламенті Мәжілісінің депутаттары Ринат Заитов, Нұрлан Әуесбаев, Айна Мусралимова, Гүлдара Нұрымова, Еран Саиров, Нартай Сәрсенғалиев, Таңсәуле Серіков, Жұлдыз Сүлейменова қатысты.
Сондай – ақ, ҚР Парламенті Мәжілісінің экономикалық реформа және өңірлік даму комитетінің мүшесі Мұрат Әбенов, ҚР Парламенті Мәжілісінің Экология және табиғат пайдалану мәселелері комитетінің мүшесі Ажар Сағандықова, ҚР Еңбек және халықты әлеуметтік қорғау вице-министрі Назгүл Сағындықова және ҚР ДСМ өкілдері.
Ұлттық балаларды оңалту орталығының Басқарма төрағасы Ажар Ғиният қонақтарды қарсы алып, орталыққа экскурсия жүргізіп, Қазақстандағы балаларды оңалту қызметінің даму перспективалары мен Ұлттық балаларды оңалту орталығының қызметі туралы айтып берді.
Ең алдымен, қонақтар физиотерапия бөлімімен, роботты оңалту зертханасы, модельдеу және ортездеу зертханасы және балаларға оңалту көмегі көрсетілетін әлеуметтік-педагогикалық оңалту басқармасының жұмысымен танысты, және орталықтың қысқы бақ, автодром, бассейн, кітапхансын көрді.
Сондай-ақ, орталықта оңалтудан кейінгі алғашқы қадамдарды жасаған церебральды сал ауруы диагнозы қойылған балаларға “Тұсаукесер” рәсімі өткізілді. Асхат Аймағамбетов, Мұрат Әбенов және Ажар Сағандықова балалардың тұсауын кесіп, оларға денсаулық пен бақыт тіледі.
Сонымен қатар, орталық мамандары проблемалық мәселелерді талқылады: 18 жастан кейінгі балаларға оңалту көмегін ұзарту (ересектерді оңалту), жаңа заманауи жабдықтарды сатып алу, жаңа әдістер мен технологиялар бойынша балалар ортездерін дайындау, дәрігерлер үшін сатып алу құқығымен жалға берілетін тұрғын үй мәселелері және медициналық, әлеуметтік,түзету, ерекше балаларға психологиялық және педагогикалық көмек және т. б.
Депутаттар Ұлттық балаларды оңалту орталығы жүргізіп жатқан жұмыстың маңыздылығын атап өтті. Олар Қазақстанда балаларды оңалту маңызды рөл атқаратынын және ерекше балаларға ерекше назар аудару қажет екенін атап өтті.
Сондай-ақ олар орталықтың барлық ұжымына ерекше балаларға көмектесуге қосқан үлестері үшін алғыс айтып, осы бағытты дамытуға қолдау көрсетуге дайын екендіктерін білдірді.
