📕 Бұл дата мемлекет басшысы Қасым-Жомарт Тоқаевтың бастамасымен 2021 жылдың 18 қазанында бекітілді.

📗 Кітапхана – білім мен ғылым ордасы. Бір кітап – байлық, ал мың кітап – сарқылмас асыл қазына. Сол қазынамызды көздің қарашығындай сақтап келе жатқан Ұлттық балаларды оңалту орталығының кітапханашысы Жақсыбаева Бақыт Құсайынқызы.

Бақыт Құсайынқызы орталық ашылғаннан бері 2007 жылдан бастап 17 жыл бойы адал жұмыс атқарып келеді. Оның жалпы еңбек жолы – 40 жылдан астам, соның ішінде Астана медициналық университетінің кітапханасында 21 жыл еңбек еткен.

«Таңдаған мамандығым өзіме ұнайды. Әр оқырманның көңілінен шығып, қажетті әдебиеттерін тауып беру мен үшін үлкен бақыт», – дейді ол.

Қазіргі таңда орталық кітапханасы 3000-нан астам кітап қорын құрайды.

Құрметті Бақыт Құсайынқызы, кәсіби мерекеңіз жанға жылу, көңілге шуақ сыйласын. Әрқашан оқырмандарыңыз көп болсын!

Құрметпен,

Ұлттық балаларды оңалту орталығы ұжымы. 💖